بسم الله الرحمن الرحيم
هع كتبت هالموضوع لان فيه اكثر الناس مايفهمون على الكلام القصيمي اللي انا طبعا مو منهم
عاد من كثر منا سنعه
ذاك اليوم على قهوووه العصر مسكت ام صالح اللي هي جدتي وه وه ياحبي لها ومعي ورقه وقلم ويلا اكتب
الكلمه المشهوره جدا جدا وهي طن طن
بوووووه = فيه
قوووه = تعال هع
مابوووش = مافيه مووووب تحسبوون بوووش
دجيه = كبيه
هجيه= افتحيه >بعذركم هالكلمتين صعبات هع
موصيه= اغسليه
يبحلق = يناظر بقوووه
ينتثر = ينكب او يطيح
لزي = ابعدي
يبلص = يلمع
فنخره = خشمه كبير هع مدري ليه تذكرت ابوخشم بهاذي
مطنقرنه = زعلانه
يحووم التسبد=شيييين يعني
هردسه= ملابس شينه
اجرعي = ابلعي كولي يعني هع
انكس = ارجع
ينخجر = يدور على شيء
ينقم = يفصفص يعني ياكل فصفص عاد اللي مايعرفه اقوله
يمطخه او يجغفه= يبوووسه او يحبه
مقرطه او مقرط = ساكت او ساكته
ينابر = يغلي
تزقح = ترقص او تجي بمعنا فرحانه او مستانسه
تزبعه = تكشخ
فهاهه = مايهتم هاذي كلمه امي لي انتي ام الفهاهه
مطفوق = يعني كل ماشال شيء خربه وطاح منه
عصلا = نحيفه
مطاريس = خرابيط اي اكل مخلوط او حوووسه
نبغث = نخلط
ممدين = يعني نسووويه بعدين
يجغم = يشرب
يقرض = ياكل شيء قاسي هع
خرقه = قماش
غدفه = طرحه
انتسبي= امممممم ممكن اغرفي هع
املطيه = ادهنيه
يتزقلب = واحد سمين يمشي بصعوبه علقتها على اخوشعاع
يزم = يشيل
اهجدي = اركدي
يهوجس = سرحان
اويت له = رحمته
خلاص اليوم اذا جازلكم يدي تعرورني وممدين اكمل لكم متعووووب عليه والله لازم اصير ميه ميه علشان اكمل صح مااخربط الكلام
